قيس الموضوع على نفسك و خلونا نناقش هالموضوع، شرايكم؟
و بالمناسبه من الصور إلي نص و نص هذي الصور من "رحلة سوق المباركية" إستمتعوا
3.2.07
رحلة سوق المباركية
أقام النادي العلمي ورشة عمل تصويريه في سوق المباركية يوم الخميس الموافق ٢٥/١/٢٠٠٧ كان التجمع صباحا في الساعه ١٠ و قد حضر العديد من الأعضاء، هذا مو موظوعنا :) الموضوع أهو الصور ، ماذا تصنع في صورك كهاوي (والله كسره) فأنا شصيا لدي أكثر من ٥٠٠٠ صوره، نعم قريتوها صح "خمس آلاف صوره" نعم فلكر مفيد ولكن، هناك قيود، مثلا، تعود الناس أن يرو منك الصور الجميله و قد تعودوا على مستوى معين من الصور، فلذالك لا تستطيع عرض صور عاديه دون المستوى السابق، و إن لم تفعل فلن يرى أحد أعمالك الأخرى سواك، فما فائدت ذلك التعب، هل تخش الباقي من الصور، خنقول إن عندي ١٠٠٠ صوره ممتازه و ٢٠٠٠ صور عائليه (لاتعرض) و ١٠٠٠ مالهم داعي فماذا تعمل بالألف الباقي؟ الي نص و نص أو تكون صور تثيقيه؟
قيس الموضوع على نفسك و خلونا نناقش هالموضوع، شرايكم؟
و بالمناسبه من الصور إلي نص و نص هذي الصور من "رحلة سوق المباركية" إستمتعوا
قيس الموضوع على نفسك و خلونا نناقش هالموضوع، شرايكم؟
و بالمناسبه من الصور إلي نص و نص هذي الصور من "رحلة سوق المباركية" إستمتعوا
Subscribe to:
Post Comments (Atom)
9 comments:
موضوع حلو اخوي
بالنسبة لي اذا طلعت ورشة لتصوير طبعا
اعمل تصفيه لصور والجيد منها اختار منه مجموعه لكن اعرضها مثلا بفلكر بس باوقات متباعده ...وطبعا كل الصور تكون على سي دي يات ....
وفعلا ساعات تطلع ب500 صوره وتكون كميه منهم ممتازه لكن انت تحاول تختار الصوره النخبه منهم :)
هذ ا راي وانشالله الاخوة الباجي
يقولون ارائهم :)
تبي الصراحة .. والله نفس الحالة !!
في الوقت اللي كنتوا فيه في المباركية .. كنت في الصمان .. تدري جم صورة في الصمان بس لمدة 3 أيام !!
والله 800 صورة و أكثر !!
طبعا مو كلهم قابلين للنشر .. الصور الفنية لفلكر قليلة .. تنعد على الأصابع .. أما صور الربع هي الحيز الأكبر .. الباقي مالهم داعي !!
و عندي والله آلاف الصور بس شنسوي !!
أنا أصلا دشيت البلوقز علشان أكتب مواضيع لها علاقة بصوري اللي ما نشرتهم في فلكر .. و إذا انت متابعنني راح تلاحظ شنو أقصد ..
و شاكرلك يا برالاكس :)
السلام عليكم ورحمة الله وبركاتة
أولا موضوعك جميل وهذه مشركتي الأولى معاك وانشاء الله مو الأخيره
انا عن نفسي بالاسبوع اصور مايقارب ال 1000 صورةهذا ايام ورش التصوير طبعا ولكن بعد ما بديت اتمكن من التصوير وبديت ارتب صوري وامسح الصور الغير ضرورية واعرف انا شنو ابي من الصورة قمت اصور تقريبا300 صورة
بالاسبوع ويطلعمنهم 150 -200 حلوين
هذا اعتبرة انجاز انا بالنسبةلي
بس نصيحتك يا خوي و نصيحة اخواني اهيا السبب الرئيسي بتقدمي بالتصوير
وبعدين انا فلكر كنت جذي مانزل فيه صور حلوةكنت افكر ان انزل صوري الحلوة بالمعارض بس
بس الحين بعد ما شفت ردود الافعال في فلكر وفي مواقع ثانيةواكثر المصورين عرفوني عن طريق فلكر راح احاول ابذل جهدي في التجديد في صوري
وشكرا لك اخي على الموضوع وسامحني على الاطاله
موضوع صريح و حلو.... هذي الصور ممكن إستخدامها مع بعض التعليقات الظريفة... أو تحويلها إلى الأبيض و الأسود... يمكن تطلع حلوة...
الله يعطيك العافية
hmmmm..i don't think enha ne9 o ne9!..they r nice..at least waqe3eyah o mu3abbera! :)..
هيبه، شكرا، فكره حلوه أنا ماعندي باك أب إلا كمبيوتري، يستحسن أحطهم على سي دي أو دي في دي
kuw son,كلامك صحيحي أخوي و أنا فاهم قصدك بس أنا الي أبي من البلوج أهو "صوره و قصه" مو مكان لعرض صور مستوى ثاني و يعتمد كل شخص شنو يبي، و شكرا على رايك
سليمان حياك أخوي عندنا، ، و أنا نفسك بس الحين أحاول أترس الميموري بصور مستواها على الأقل ٦٠٪ و هذا شي مو بطال
engeneeroo, مشكور الأبيض و الأسود حلو لما يكون الجو مغيم
smartee, Thanks a lot.
تدري يا بارالاكس..
كل صور هالطلعة و كل الصور اللي صورتهم بالكويت انمسحوا و لله الحمد :)
مو هذا موضوعنا :)
بالنسبة لي فإني أول شي آسويه اهو اني أمسح الصور اللي مالها داعي من البداية.. مثل الصور اللي أوت أوف فوكس أو المهزوزة ، قبل كنت أخليهم على بو انهم ذكرى.. بس بعدين (خصوصا بعد التحويل للرو) قاموا ياخذون مكان بدون سبب
بعد فتره راح تلاحظ إن الصور صاروا أكثر من اللازم و بالتالي لازم ينشالون من الجهاز ، اهني ايي دور الباك أب
بالنسبة لي الباك أب أسويه على مرحلتين.. بالأولى أخزن كل الصور على دي في دي ، بعدها أسوي تصفية على الصور و ما أخلي بالجهاز اللا أفضل أفضل الصور .. سواء كانت لقيمتها الفنية أو قيمتها العاطفية ، هالصور كلهم أحطهم على دي في دي ثاني علشان سبحان الله اذا صار شي بالنسخة الأولى يكون عندي نسخة ثانية منهم. بعد علمية الباك أب الكامل ممكن إني أمسح كل الصور من الجهاز و أبدأ فرش، و أصلا اذا ما كان عندك صور بالجهاز راح يكون عندك دافع انك تصور إكثر علشان تملا الفراغ
الصور العائلية و الصور اللي لها قيمة عاطفية أجمعهم و أطبعهم على ورق لأن هالشي أحفظ لهم و علشان يكون سهل اذا بوريهم للأهل ، الصور الفنية سالفة ثانية..
بالنسبة لي ما أخش شي.. أحسن اللي عندي تلقاه بفلكر ، اذا الصورة مو بالقوة الكافية للوضع بفلكر فممكن استخدمها أو استخدم فكرتها لموضوع معين بالبلوق مالي.. مو شرط الموضوع متعلق بالصورة.. ففي كثير من الأحيان الصورة تكون فكرتها هي التي تخدم الموضوع و ليس العكس كما هو الحال بفلكر
Moayad, تسلم أخوي، إتصدق عمري ما سويت باك أب على سي دي، أستخدم الأيبود والأكستيرنال هارد دراي حق الباك أب و الصور العائليه عني الدنيه وصارلي سنين أقول بطبعهم بس ماكو فايده كلا أقول إن شاء الله المره اليايه و مشكور عالطله
Yeah right, just keep the good photos as a memory, otherwise try to print the family pictures that u dont share, after that create an printed album to share it with ur parents,, cheers
Post a Comment